Донесена на 11.04.2025 година

ПОЛИТИКА ЗА ПРИВАТНОСТ

1. Вовед

Оваа политика за приватност е донесена во согласност со основните принципи на Законот за заштита на лични податоци, преку кој закон одредбите на Регулативата за општа заштита на податоците (GDPR) на Европската Унија се транспонирани во нашето законодавство.

Оваа политика за приватност, а во согласност со Законот за заштита на лични податоци ги уредува основните принципи и начела при остварувањето на правата на субјектите на лични податоци како посетители и корисници на услугите на платформата Умниверзум.

На платформата Умниверзум Вие како средношколци ќе имате можност да учите математика при што ние ќе се потрудиме да ги имплементираме сите најнови и најефикасни начини за да можете полесно да ја учите и развивате оваа проблематика.

Нашата платформа ги собира само оние лични податоци кои се неопходни за успешно испорачување на услугата, со претходна Ваша согласност односно согласност на субјектот на лични податоци.

2. Дефиниции

,,Личен податок’’ е секоја информација која се однесува на идентификувано физичко лице или физичко лице кое може да се идентификува (субјект на лични податоци), а физичко лице кое може да се идентификува е лице чиј идентитет може да се утврди директно или индиректно, посебно врз основа на идентификатор како што се име и презиме, матичен број на граѓанинот, податоци за локација, идентификатор преку интернет, или врз основа на едно или повеќе обележја специфични за неговиот физички, физиолошки, генетски, ментален, економски, културен или социјален идентитет на тоа физичко лице;

,,Обработка на личните податоци’’ е секоја операција или збир на операции кои се извршуваат врз личните податоци, или група на лични податоци, автоматски или на друг начин, како што се: собирање, евидентирање, организирање, структурирање, чување, приспособување или промена, повлекување, консултирање, увид, употреба, откривање преку пренесување, објавување или на друг начин правење достапни, усогласување или комбинирање, ограничување, бришење или уништување;

,,Ограничување на обработката на лични податоци’’ е означување на личните податоци кои се чуваат, а со цел ограничување на нивната обработка во иднина;

,,Контролор’’ е физичко или правно лице, орган на државната власт, државен орган или правно лице основано од државата за вршење на јавни овластувања, агенција или друго тело, кое самостојно или заедно со други ги утврдува целите и начинот на обработка на личните податоци, а кога целите и начинот на обработка на личните податоци се утврдени со закон, со истиот закон се определуваат контролорот или посебните критериуми за негово определување;

,,Обработувач на збирка на лични податоци’’ е физичко или правно лице, орган на државната власт, државен орган или правно лице основано од државата за вршење на јавни овластувања, агенција или друго тело кое ги обработува личните податоци во име на контролорот;

,,Согласност’’ на субјектот на лични податоци е секоја слободно дадена, конкретна, информирана и недвосмислена изјавена волја на субјектот на лични податоци, преку изјава или јасно потврдено дејствие, а со кои се изразува согласност за обработка на неговите лични податоци;

,,Нарушување на безбедност на лични податоци’’ е секое нарушување на безбедноста, што доведува до случајно или незаконско уништување, губење, менување, неовластено откривање или пристап до личните податоци кои се пренесуваат, чуваат или на друг начин обработуваат;

3. Забрана за дискриминација

Заштитата на личните податоци се гарантира на секое физичко лице без дискриминација заснована врз неговата националност, раса, боја на кожата верски уверувања, етничка припадност, пол, јазик, политички или други верувања, материјална положба, потекло по раѓање, образование, социјално потекло, државјанство, место или вид на престој или кои било други лични карактеристики.

4. Контролор на збирките личните податоци

Контролор на личните податоци е Приватна високообразовна установа самостојна висока стручна школа БРЕИНСТЕР НЕКСТ СКОПЈЕ, со седиште на ул. Васил Ѓоргов бр.19, Скопје - Центар, ЕМБС 7605943 и e-mail адреса [email protected]

5. Начела на обработка на личните податоци

Личните податоци се обработуваат во согласност со следните начела на обработка:

- Согласно со закон, во доволна мера и на транспарентен начин во однос на субјектот на лични податоци;  
- Се собираат за конкретни, јасни и легитимни цели и нема да се обработуваат на начин што не е во согласност со тие цели;  
- Соодветни, релевантни и ограничени на она што е неопходно во однос на целите заради кои се обработуваат;  
- Точни и каде што е потребно ажурирани, при што ќе се преземат сите соодветни мерки за навремено бришење или коригирање на податоците што се неточни или нецелосни, имајќи ги предвид целите заради кои биле обработени;  
- Чувани во форма која овозможува идентификација на субјектите на лични податоци, не подолго од она што е потребно за целите поради кои се обработуваат личните податоци;  
- Обработени на начин кој обезбедува соодветно ниво на безбедност на личните податоци, вклучувајќи заштита од неовластена или незаконска обработка, како и нивно случајно губење, уништување или оштетување, со примена на соодветни технички или организациски мерки.  

6. Техничка и интегрирана заштита на личните податоци (Data protection by design and by default)

Согласно најновите технолошки достигнувања, природата, обемот, контекстот и целите на обработката, како и ризиците со различна веројатност и сериозноста за правата и слободите на физичките лица кои произлегуваат од обработката, нашата платформа од самиот момент на градење и развивање во себе вклучува техничка и интегрирана заштита на личните податоци и истите се развиени со цел ефикасно спроведување на начелата на заштита на личните податоци, како што е сведување на минимален обем на податоците и вклучување на потребните заштитни мерки во процесот на обработка, со цел исполнување на барањата од Законот за заштита на лични податоци и обезбедување заштита на правата на субјектите на личните податоци.

Техничката и интегрирана заштита на личните податоци на нашата платформа подразбираат дека заштитата на лични податоци е интегрирана во секоја фаза од дизајнирањето и развојот на платформата, како и обработка само на оние лични податоци кои се неопходни за конкретната цел, односно за испорачување на нашата услуга. Исто така, личните податоци кои ги обработува платформата не се автоматски достапни на неограничен број на луѓе, односно истите се достапни само на овластени лица со посебно овластување.

Истото подразбира интегрирање на енкрипција, односно псевдонимизација уште при развој на платформата, механизми за контрола на пристап уште при развој на платформата, собирање само на неопходните податоци за целта, корисничките профили на платформата се 'by default' приватни, личните податоци не се чуваат подолго отколку што е потребно за испорачување на услугата и функциите на платформата како што се за споделување на лични податоци се исклучени, освено ако самиот корисник не ги активира.

Дополнително, бидејќи нашата платформа е наменета за средношколци кои ќе учат математика на истата платформа, ние уште при развојот вметнуваме технички мерки кои ќе оневозможат правење на кориснички профили од малолетници кои се под 14 годишна возраст и за истото имплементираме задолжителна согласност од застапник по закон односно родител.

7. Права на субјектот на лични податоци

Субјектите на лични податоци, како ексклузивни носители на своите лични податоци ги имаат следните права:

- Право на пристап;  
- Право на исправка;  
- Право на бришење (,,право да се биде заборавен '');  
- Право на ограничување на обработката;  
- Право да биде известен во случај на исправка, бришење или ограничување на обработката;  
- Право на преносливост на податоците;  
- Право на приговор;  
- Право да не биде предмет на одлука заснована единствено на автоматизирана обработка;

Субјектите на лични податоци ги имаат и сите други права кои произлегуваат од Законот за заштита на лични податоци.

8. Збирки на лични податоци

Во согласност со природата на работењето на контролорот, од страна на субјектите на лични податоци се собираат следните збирки на лични податоци:

- Име и презиме;  
- Возраст;  
- Училиште;  
- Избрано подрачје;  
- Година на образование;  
- Имејл адреса. 

Истите лични податоци ги собираме во минимален обем кој е потребен за успешно испорачување на услугата на платформата.

Доколку собираме и обработуваме лични податоци за поразлична цел од целта на испорачување на услугата, претходно прибавуваме конкретна и недвосмислена грануларна согласност од страна на субјектите на лични податоци или од нивните законски застапници за конкретната цел на собирање и обработка на личните податоци.

9. Цели на обработка на личните податоци

Погоренаведената збирка на лични податоци ја собираме и обработуваме законито, правично и транспарентно.

Личните податоци кои ги собираме се во минимален обем со цел успешно испорачување на нашата услуга.

Личните податоци се собираат за следните цели:

- Испорачување на услугата која ја нуди платформата, односно учење на математика од страна на средношколците;

Ние и евентуалните обработувачи на личните податоци сме должни да ги чуваме и да не ги обработуваме овие лични податоци спротивно на целта за која ни се споделени од страна на субјектите на лични податоци.

Ние како контролор и обработувачите нема да ги употребуваме личните податоци на начин и за цели спротивни од тие за кои се споделени од страна на субјектот на лични податоци. Субјектот на лични податоци или неговиот законски застапник може во секој момент да поднесе барање со цел увид на начинот на обработка на неговите лични податоци.

10. Споделување на вашите лични податоци

Можеме да ги споделиме Вашите лични податоци со:

- Државни органи: Доколку врз основа на закон државен орган побара споделување на лични податоци кои ние ги обработуваме.

При споделување на личните податоци, се преземаат сите технички и организациски мерки за чување и обработување на личните податоци со цел спречување на инцидент во врска со истите.

11. Случај на инцидент

Во случај на инцидент во врска со заштитата и обработката на лични податоци, Контролорот се обврзува да постапи во согласност со обврските кои произлегуваат од Законот за заштита на лични податоци, односно во рок и без одлагање ќе ја извести Агенцијата за заштита на лични податоци по дознавањето на таквото прекршување и во известувањето ќе бидат наведени природата и обемот на прекршокот.

Во ваков случај Контролорот ќе ги преземе и сите потребни мерки со цел брзо и неодложно отстранување на прекршокот.

12. Користење на колачиња (Cookies)

Колаче (cookie) е информација која што се креира и испраќа од веб - серверот до веб пребарувачот, а која потоа се испраќа назад, како непроменета информација од веб - пребарувачот секогаш кога повторно ќе се пристапи до веб - серверот кој ја креирал информацијата.

Нашата платформа може да користи колаче, односно колачиња и за истото го известуваме корисникот на платформата кој преку скрипта која што обезбедува давање на грануларна согласност од корисникот на платформата за депонирање на колачињата.

Ние користиме колачиња кои се неопходни за целосно и ефикасно функционирање на платформата, а корисникот ги прифаќа истите преку скриптата за колачиња, пред да се депонира колачето.

Доколку користиме колачиња кои не се неопходни за функционирање на платформата, во тој случај корисникот на платформата има можност за давање на грануларна согласност или за одбивање на истата за конкретната цел преку нашата скрипта за колачиња.

13. Контакт податоци на овластеното лице за заштита на личните податоци

Овластено лице за заштита на личните податоци е:

- Ивица Пешовски од Приватна високообразовна установа самостојна висока стручна школа БРЕИНСТЕР НЕКСТ СКОПЈЕ.

Овластеното лице за заштита на личните податоци можете да го контактирате на следната e-mail адреса:

[email protected]

Доколку имате било какви прашања во врска со оваа Политика за приватност, контактирајте го овластеното лице за заштита на личните податоци на e-mail адресата наведена во оваа точка.

14. Промени на политиката за приватност

Како Контролор за заштита на личните податоци го задржуваме правото да правиме промени во оваа Политика за приватност кога ќе се јави потреба за тоа, односно за целите на подобрување и ажурирање на заштита на лични податоци. Сите промени на оваа политика за приватност соодветно и навремено ќе бидат објавени на нашата платформа, а вие ќе бидете известени за истите. Ве молиме периодично да ја прегледувате оваа Политика за приватност со цел да бидете во тек со најновите ажурирања.

15. Согласност за собирање и обработка на лични податоци

Во смисла на членот 4 став 1 точка 11 од ЗЗЛП, неприсилен/на од никого и на јасен и недвосмислен начин СЕ СОГЛАСУВАМ моите лични податоци Име и презиме, Возраст, Училиште, Избрано подрачје, Година на образование и Имејл адреса да се собираат и обработуваат од страна на платформата за целите на успешно испорачување на услугата за учење на математика на платформата.

16. Согласност за собирање и обработка на лични податоци на малолетно лице

Во случај кога се регистрира лице под 14 години: Како законски застапник на моето дете, неприсилен/на од никого и на јасен и недвосмислен начин СЕ СОГЛАСУВАМ личните податоци на моето дете кое е на возраст под 14 години Име и презиме, Возраст, Училиште, Избрано подрачје, Година на образование и Имејл адреса да се собираат и обработуваат од страна на платформата за целите на успешно испорачување на услугата за учење на математика на платформата.

Донесена на 11.04.2025 година